Barrique 1873 - Процеси на производство на дабови барик буриња

ПРОИЗВОДСТВО НА ДРВЕНИ БУРИЊА

Процеси на производство на дабови барик буриња:

ПОДГОТОВКА НА ГРАЃА ЗА ПРОИЗВОДСТВО НА БУРИЊА

За секој наш производ, барик буре или дрвено буре со други димензии, приказната почнува уште во стогодишната дабова шума. За производство на барик буриња и изработка на дрвени садеви користиме внимателно одбран даб китњак.

В првиот процес на производство на дрвени буриња и барик буриња се врше бирање и сечење на стаблата и тоа само во фаза на мирување на соковите во стаблата: ноември, декември, јануари.

СЕЧЕЊЕ ИЛИ ЦЕПАЊЕ НА ОБЛОТО

Наредната фаза во производството е специфичо стружење на облото по радијален рез или цепање на облото. Така подготвените даски, со друго име ламели, се пакуваат во бунтови то ест такоречено витло, кое е спремно за наредната фаза сушење на граѓата.

СУШЕЊЕ НА ГРАЃАТА

Во следниот процес на производство на барик буриња подготвените даски ги подложуваме на природно стареење во сите временски услови (дожд, сонце, снег…) најмалку 3 години.

Во летните месеци задолжително се врши попрскување на подготвената граѓа со распрскувачи и на тој начин ги миеме танините од дрвото.

Дури после од 3 до 5 години во зависност од дебелината на даските, така одржаната граѓа влегува во фабриката и подготвена е за производство на барик буриња или дрвени бочви.

ПОДГОТОВКА НА ДАСКИТЕ

Во зависност од побарувачката на клиентите пристапуваме со процесот на рачна или машинска обработка на даски.

Рачна обработка подразбира користење на традиционален бочварски алат во процесот на обработка на ламели односно даски.

Машинска обработка се врши ЦНЦ машините, што овозможува зголемување на волуменот на производството на барик буриња.

СКЛОПУВАЊЕ НА ДАСКИ

Во наредната фаза на производство на барик буриња обработените даски се склопуваат односно се денат на обрач. После оваа фаза од склопените ламели по прв пат може да се виде изглед на бурето кое е спремно за фазата горење.

ВИТКАЊЕ НА ДАСКИ И ГОРЕЊЕ

Во следната фаза на производство на бари буриња даските се затоплуваат на оѓинот и им се ставаат обрачите и после тоа бурето го добива својот конечен облик. Така обликуваното буре на оѓинот продолжува со фазата горење.

Процесот на горење на барик буриња е најважниот процес во фазата на производството затоа што од горењето зависи квалитетот на барик виното.

Во зависност од побарувачката на купците, вршиме три нивоа на горење (тостирање) на дрвени барик буриња кои најмногу влијаат на аромата на виното и ракијата: лесно (light), средно (medium), силно горење (heavy).

Горењето се контролира со ласерски мерач на температура на тостирање. Покрај горењето на даските, процесот горење се применува и на страниците на садевите (дно).

ФИНАЛНА ОБРАБОТКА

Последна фаза во процесот на производството на барик буриња е брусење и финална обработка после коа готовиот производ е спремен да се спакува во заштитна амбалажа.

По желба на купците нашите производи (барик буриња, бочви за вино и други дрвени садеви) ги фарбаме и лакираме. Исто така на дното на барик бурињата се вршиме ласерско гравирање на лого, име на винарија или желен текст.